စာတမ်းခေါင်းစဉ် – Myanmar’s China Policy since 2011: Determinants and Directionsရေးသားသူ – Maung Aung Myoeထုတ်ဝေသည့်အဖွဲ့ – Journal of Current Southeast Asian Affairsထုတ်ဝေသည့်ခုနှစ် – ၂၀၁၅စာတမ်းအပြည့်အစုံ – Myanmar’s China Policy since 2011: Determinants and Directionsစာတမ်းအကျဉ်းချုပ်ယခုစာတမ်း၏ အဆိုပြုချက်သည် ၂၀၁၁ နှစ်မှစတင်ကာ မြန်မာနိုင်ငံက တရုတ်အပေါ် မူဝါဒပုံစံအသစ်နှင့် ချဉ်းကပ်လာစေသည့် အဓိကတွန်းအားတစ်ခုမှာ နိုင်ငံတကာနှင့် ပြန်လည်ပူးပေါင်းဆောင်ရွက်ရန် ရည်ရွယ်သည့် မြန်မာနိုင်ငံအစိုးရ၏ နိုင်ငံခြားရေးမူဝါဒရည်မှန်းချက် ဖြစ်သည်။ယင်းချဉ်းကပ်မှု အောင်မြင်ရန်မှာ မြန်မာနိုင်ငံနှင့် အမေရိကန်တို့အကြား ဆက်ဆံရေး ပြန်လည်ကောင်းမွန်မှုအပေါ်တွင် မူတည်သည်။ မြန်မာနိုင်ငံ၏ ပြည်တွင်းနိုင်ငံရေးပြုပြင်ပြောင်းလဲမှုနှင့် တရုတ်-အမေရိကန် နှစ်နိုင်ငံ၏ အင်ဒို-ပစိဖိတ်ဒေသတွင် မဟာဗျူဟာမြောက်အားပြိုင်မှုတို့နှင့်အတူ တရုတ်အပေါ် မှီခိုမှုလျော့ချနိုင်မည့် မြန်မာနိုင်ငံ၏နိုင်ငံခြားရေးမူဝါဒကို ပြန်လည်ချိန်ညှိမှုများသည် အောင်မြင်သော မြန်မာ-အမေရိကန်ဆက်ဆံရေး၏ လိုအပ်ချက်များဖြစ်သည်။၂၀၁၁ ခုနှစ်မှစတင်ကာ အရှိန်ရလာသော မြန်မာနိုင်ငံ၏ တရုတ်မူဝါဒအပေါ်လွှမ်းမိုးသည့်အချက်များမှာ တရုတ်ဆန့်ကျင်ရေးစိတ်ဓာတ်များ၊ မြန်မာနိုင်ငံရေးရာများတွင် တရုတ်နိုင်ငံ၏ ပိုမိုဝင်ရောက်စွက်ဖက်မှုအပေါ်တွင် စိုးရိမ်ပူပန်မှုများနှင့် အမေရိကန်နိုင်ငံနှင့် ပြန်လည်သင့်မြတ်ခြင်းတို့ ဖြစ်ပြီး ယင်းတို့သည် တရုတ်-မြန်မာဆက်ဆံရေးနှင့်စပ်လျဉ်း၍ နှစ်နိုင်ငံဆက်ဆံရေးကို လွှမ်းမိုးသက်ရောက်လျက်ရှိသော အချက်များဖြစ်သည်။မြန်မာနိုင်ငံ၏ တရုတ်နိုင်ငံနှင့်ပတ်သက်သည့် မူဝါဒအရွေ့မှာ တရုတ်နိုင်ငံအပေါ်မှီခိုမှုမှ အကြွင်းမဲ့ ကင်းလွတ်ရန်ဟု ဆိုလိုသည်မဟုတ်ဘဲ နှစ်နိုင်ငံအနေနှင့် အပြန်အလှန် တိုး၍မှီခိုမှုရှိခြင်းကို ဆိုလိုသည်။Categories: Foreign policy Bilateral relations China Myanmar Relations A Multi-level Analysis of Sino-Myanmar Relations amidst Political Changes in MyanmarChina’s Myanmar Policy: Dilemma or Strategic Ambiguity?
