စာတမ်းခေါင်းစဉ် – တရုတ်၏ အလွှာစုံဆက်ဆံရေးမဟာဗျူဟာနှင့် မြန်မာနိုင်ငံ၏ ပကတိအခြေအနေရေးသားသူ – ခင်ခင်ကျော်ကြီးထုတ်ဝေသည့်အဖွဲ့အစည်း – ISP-Myanmarထုတ်ဝေသည့်ကာလ – ၂၀၁၈၊ ဖေဖော်ဝါရီစာတမ်းအပြည့်အစုံရယူရန် – မြန်မာ၊ အင်္ဂလိပ် နှစ်ဘာသာဖြင့် ထုတ်ဝေဖြန့်ချိထားသည့် စာတမ်းအပြည့်အစုံကို အင်းဝစာအုပ်ဆိုင်(ပန်းဆိုးတန်း၊ လှည်းတန်း)၊ ရာပြည့်စာအုပ်ဆိုင်(ပန်းဆိုးတန်း)၊ မျိုးဆက်သစ်စာပေ၊ လူထုစာအုပ်ဆိုင်(မန္တလေး) တို့တွင် ဝယ်ယူနိုင်သလို စာတိုက်မှတဆင့် အိမ်အရောက်ဝန်ဆောင်မှု ရယူလိုပါက ဖုန်း – ၀၉ ၂၆၃၉၁၆၆၃၃ သို့ ဆက်သွယ်နိုင်ပါသည်။စာတမ်းအကျဉ်းချုပ်ယခုစာတမ်းသည် မြန်မာ့မဟာဗျူဟာနှင့် မူဝါဒလေ့လာရေးအင်စတီကျု(ISP-Myanmar)က ထုတ်ဝေသည့် ဆေးနွေးချက်စာတမ်းများ၏ ပထမဆုံး ခြေလှမ်းဖြစ်သည်။ တရုတ်နိုင်ငံအရေး သုတေသနစီမံချက်အတွက် ထုတ်ဝေသည့် စာတမ်းများအနက်လည်း ပထမဆုံးဖြစ်သည်။တရုတ်သည် မြန်မာ့လူ့အဖွဲ့အသီးသီးနှင့် ဆက်ဆံရေးတည်ဆောက်ခြင်းဖြင့် တရုတ်၏ စီးပွားရေး၊ မဟာဗျူဟာအကျိုးစီးပွားနှင့်ဆိုင်သော စီမံကိန်းများ၌ မြန်မာလူထု၏ထောက်ခံမှုကို ရယူလိုခြင်း၊ တရုတ်၏အုပ်ချုပ်မှုနှင့် စီးပွားရေးစနစ်ပေါ် မြန်မာနိုင်ငံမှ မူဝါဒချမှတ်သူများ၊ အများပြည်သူအပေါ် လွှမ်းမိုးနိုင်သူများနှင့် မြန်မာပြည်သူလူထု အားကျနှစ်သက်လာစေရန် ဖြန့်ဝေလိုခြင်း၊ တရုတ်၏အလွှာစုံဆက်ဆံရေးသည် မြန်မာနိုင်ငံမှ တရုတ်အကျိုးစီးပွားကိစ္စများအပြင် တရုတ်နိုင်ငံတွင်းနှင့် နိုင်ငံတကာတွင် ဖော်ဆောင်နေသော တရုတ်မူဝါဒများကို အထောက်အပံ့ဖြစ်စေရန် ဆောင်ရွက်ခြင်း စသည့် အချက်များကို စာတမ်းတွင် ထောက်ပြထားသည်။ ဧရာဝတီမြစ်ဆုံဆည်စီမံကိန်းရပ်ဆိုင်းပြီးနောက်ပိုင်း တရုတ်သည် မြန်မာနိုင်ငံမှ နိုင်ငံရေးပါတီများ၊ သတင်းမီဒီယာများ၊ လူနည်းစုတိုင်းရင်းသားများ၊ အရပ်ဘက်လူ့အဖွဲ့အစည်းများ အစရှိသဖြင့် မြန်မာ့လူ့အဖွဲ့အစည်းအသီးသီးနှင့် ဆက်ဆံရေးများ တည်ဆောက်ခဲ့ပြီး မြန်မာနိုင်ငံမှ ထောင်နှင့်ချီသောသူများကို တရုတ်နိုင်ငံသို့ အလည်အပတ်လေ့လာရေးခရီးစဉ်များ ဖိတ်ခေါ်ခဲ့သည်။နိုင်ငံအဆင့်ဆက်ဆံရေးများတွင် အမျိုးသားဒီမိုကရေစီအဖွဲ့ချုပ်(NLD) ဦးဆောင်သောအစိုးရနှင့် ဆက်ဆံရေးတိုးမြှင့်တည်ဆောက်ခဲ့သည့်နည်းတူ မြန်မာ့နိုင်ငံရေးတွင် ဩဇာလွှမ်းမိုးနိုင်မှုများစွာရှိနေသေးသည့် တပ်မတော်နှင့်လည်း ဗျူဟာမြောက်ဆက်ဆံရေးကို ဆက်လက်ထိန်းသိမ်းခဲ့သည်။မြန်မာ့ငြိမ်းချမ်းရေးနှင့် စီးပွားရေးနယ်၌ရှိနေသော တရုတ်၏အခန်းကဏ္ဍအပြင် ရခိုင်ပြည်နယ်မြောက်ပိုင်းတွင် ဖြစ်ပွားခဲ့သော ပဋိပက္ခ၊ ဒုက္ခသည်များနှင့် လူ့အခွင့်အရေးကိစ္စရပ်များ၌ ပေါ်ပေါက်ခဲ့သော နိုင်ငံတကာဖိအားများကြောင့် မြန်မာ့နိုင်ငံခြားဆက်ဆံရေးတွင် တရုတ်၏အခန်းကဏ္ဍကို ပိုမိုမြင့်မားလာစေသည်။NLD ဦးဆောင်သော အစိုးရအပေါ် မြန်မာပြည်သူများ၏ ထောက်ခံအားပေးမှုသည်လည်း မြန်မာနိုင်ငံနှင့် ဆက်ဆံရေးပြည်လည်တည်ဆောက်ရာတွင် တရုတ်အတွက် အထောက်အပံ့ကောင်းတစ်ခုဖြစ်ခဲ့သည်။ ထို့အပြင် ပုံစံပြောင်းလဲလာသော တရုတ်၏ဆက်ဆံရေးဗျူဟာများနှင့် မြန်မာ၏ ငြိမ်းချမ်းရေး၊ စီးပွားရေး၊ ရခိုင်ပြည်နယ်မြောက်ပိုင်းအရေး စသည့် ပကတိအခြေအနေများကြောင့် မြန်မာအပေါ် တရုတ်၏ဩဇာလွှမ်းမိုးနိုင်မှု တဖန်များပြားလာရာ မြန်မာနိုင်ငံ၌ တရုတ်၏ စီးပွားရေးနှင့် မဟာဗျူဟာမြောက်စီမံကိန်းများအကောင်အထည်ဖော်ရာ၌ အသာစီးယူနိုင်သည့်အခြေအနေတရပ် ဖြစ်လာသည်။အထက်ပါအခြေအနေများနှင့်ပတ်သက်၍လည်း စာတမ်းက သုံးသပ်ထားပါသည်။ယခုစာတမ်းသည် တရုတ်၏ အလွှာစုံဆက်ဆံရေးမူဝါဒကို လေ့လာခြင်းဖြင့် ယင်း၏ မူဝါဒလိုလားချက်များကို ပုံဖော်ကာ မြန်မာအပေါ်သက်ရောက်နိုင်မှုများကို သုံးသပ်ထားခြင်း ဖြစ်သည်။Categories: Foreign policy Politics Bilateral relations China Myanmar Relations North-East and the China Myanmar Economic CorridorUnderstanding China’s Response to the Rakhine Crisis
