Photo - Chinese Embassy in Myanmar ၂၀ ဦးမြောက် မြန်မာနိုင်ငံဆိုင်ရာ တရုတ်နိုင်ငံသံအမတ်ဖြစ်ပြီး မြန်မာနိုင်ငံဆိုင်ရာ ပထမဆုံးအမျိုးသမီး တရုတ်နိုင်ငံသံအမတ်လည်း ဖြစ်သည်။ တရုတ်နိုင်ငံ နိုင်ငံခြားရေးဝန်ကြီးဌာန၏ မြန်မာနိုင်ငံဆိုင်ရာ အထူးအာဏာကုန်လွှဲအပ်ခံရသော သံအမတ်အဖြစ် ၂၀၂၄ ခုနှစ်၊ ဇူလိုင်လတွင် ခန့်အပ်ခြင်းခံခဲ့ရသည်။တရုတ်–မြန်မာ ဆွေမျိုးပေါက်ဖော်ဆက်ဆံရေးကို ပိုမိုတိုးတက်ရန် ဆောင်ရွက်မည်ဖြစ်ကြောင်း၊ တရုတ်ကွန်မြူနစ်ပါတီ၏ အကြိမ် ၂၀ မြောက် ဆွေးနွေးပွဲအရ တရုတ်အသွင်ခေတ်မီရေးကို ဖော်ဆောင်၍ တရုတ်နှင့် မြန်မာ အပြန်အလှန်အကျိုးရှိသော ဖွံဖြိုးမှုကို အကောင်အထည်ဖော်ဆောင်ရွက်မည်ဖြစ်ကြောင်း ၎င်းက ပြောကြားခဲ့သည်။လန်ချန်း–မဲခေါင် ပူးပေါင်းဆောင်ရွက်မှု အထူးရန်ပုံငွေဖြင့် ပြုလုပ်သည့် ကိုဗစ်အလွန် ခရီးသွားလုပ်ငန်းဆိုင်ရာ ဆွေးနွေးပွဲ၊ မြန်မာ–တရုတ်နှစ်နိုင်ငံ စိုက်ပျိုးရေးပူးပေါင်းမှု၊ နှစ်နိုင်ငံအကြား ကာကွယ်ရေးနှင့် လုံခြုံရေးအခန်းကဏ္ဍများတွင် အတူတကွမြှင့်တင်ရေး၊ မြန်မာနိုင်ငံရှိ တရုတ်စီမံကိန်းနှင့် ဝန်ထမ်းများ၏ ဘေးကင်းလုံခြုံမှုကို ကာကွယ်ရေးနှင့် နယ်စပ်ဒေသတည်ငြိမ်အေးချမ်းရေး ကိစ္စရပ်များကို တာဝန်စတင်ထမ်းဆောင်သည့် ပထမလအတွင်း စစ်ကောင်စီအစိုးရဖွဲ့ဝင်များနှင့် တွေ့ဆုံပွဲများတွင် အပြန်အလှန်ဆွေးနွေးခဲ့သည်။ နည်းပညာအကူအညီပေးရေး၊ စိုက်ပျိုးမွေးမြူရေးလုပ်ငန်း တိုးတက်စေရေး ပူးပေါင်းဆောင်ရွက်မှုနှင့် လူမှုယဉ်ကျေးမှု၊ လန်ချန်း–မဲခေါင်ပူးပေါင်းဆောင်ရွက်မှုများ၊ ပို့ဆောင် ဆက်သွယ်ရေးဆိုင်ရာစီမံကိန်းများ၊ ကျန်းမာရေးကဏ္ဍပိုမိုမြှင့်တင်ရေး၊ အားကစားကဏ္ဍဖွံ့ဖြိုးမှု၊ မြန်မာ–တရုတ် နှစ်နိုင်ငံချစ်ကြည်ရေး ပိုမိုတိုးတက်စေရေး ကိစ္စရပ်များကို သံအမတ်ကြီးအဖြစ် တာဝန်ယူပြီး သုံးလတာကာလအတွင်း ဆောင်ရွက်ခဲ့သည်။ ၂၀၂၅ ခုနှစ်အတွင်း၌လည်း မြန်မာ–တရုတ် နှစ်နိုင်ငံအကြား ရင်းနှီးမြှုပ်နှံမှု၊ လျှပ်စစ်၊ ခရီးသွားလာရေး၊ အသက်မွေးဝမ်းကြောင်းပညာကဏ္ဍနှင့် ငြိမ်းချမ်းသော တရုတ်–မြန်မာအသိုက်အဝန်း အကောင်အထည်ဖော်ရေးအတွက် နှစ်နိုင်ငံ ပူးပေါင်းဆောင်ရွက်ရေးတို့ကို ဆွေးနွေးလျက်ရှိသည်။မြန်မာနိုင်ငံဆိုင်ရာ တရုတ်နိုင်ငံသံရုံး ဝက်ဘ်ဆိုက်တွင် ဖော်ပြထားချက်အရ မစ္စမာကျားသည် ၁၉၆၇ ခုနှစ်တွင် မွေဖွားခဲ့သူ ဖြစ်သည်။ ၁၉၉၁ ခုနှစ်တွင် တရုတ်နိုင်ငံခြားရေးဝန်ကြီးဌာနသို့ စတင်ဝင်ရောက်ခဲ့ပြီး အာရှရေးရာဦးစီးဌာနတွင် တတိယအတွင်း၀န်၊ ၁၉၉၅ ခုနှစ်ကနေ ၁၉၉၈ ခုနှစ်အထိ မြန်မာနိုင်ငံဆိုင်ရာ တရုတ်နိုင်ငံသံရုံးတွင် တတိယအတွင်းဝန်အဖြစ် တာဝန်ထမ်းဆောင်ခဲ့သည်။ ၂၀၀၁ ခုနှစ်တွင် ပါကစ္စတန်နိုင်ငံဆိုင်ရာ တရုတ်နိုင်ငံသံရုံး၌ ဒုတိယအတွင်းဝန်၊ ၂၀၀၁ ခုနှစ်ကနေ ၂၀၀၃ ခုနှစ်အထိ ဂျပန်နိုင်ငံဆိုင်ရာ တရုတ်နိုင်ငံသံရုံးတွင် ဒုတိယအတွင်းဝန်၊ ၂၀၀၃ ခုနှစ်ကနေ ၂၀၀၅ ခုနှစ်အထိ စင်ကာပူနိုင်ငံဆိုင်ရာ တရုတ်နိုင်ငံသံရုံးတွင် ပထမအတွင်းဝန်အဖြစ် အသီးသီး တာဝန်ထမ်းဆောင်ခဲ့သည်။ ထို့အပြင် ၂၀၁၀ ပြည့်နှစ်ကနေ ၂၀၁၃ ခုနှစ်အထိ ဗြိတိန်နှင့် မြောက်အိုင်ယာလန်နိုင်ငံဆိုင်ရာ တရုတ်နိုင်ငံသံရုံးတွင် သံမှူး၊ ၂၀၁၃ ခုနှစ်ကနေ ၂၀၁၈ ခုနှစ်အထိ မလေးရှားနိုင်ငံဆိုင်ရာ တရုတ်နိုင်ငံသံရုံးတွင် သံမှူးနှင့် သံမှူးကြီးအဖြစ် တာ၀န်ထမ်းဆောင်ခဲ့သည်။ ၂၀၁၈ ခုနှစ်ကနေ ၂၀၁၉ ခုနှစ်အထိ တရုတ်နိုင်ငံ ဟိုင်နန်ပြည်နယ် စန်းရှမြို့တွင် ဒုတိယမြို့တော်၀န်အဖြစ် တာ၀န်ထမ်းဆောင်ခဲ့ပြီး ယင်းနောက် လက်ရှိရာထူးခန့်အပ်မခံရမီအထိ အိန္ဒိယနိုင်ငံဆိုင်ရာ တရုတ်နိုင်ငံသံရုံးတွင် သံမှူးကြီးနှင့် သံအမတ်အဖြစ် တာ၀န်ထမ်းဆောင်ခဲ့သူဖြစ်သည်။Categories: Individual Mr. Yang Jiechi (မစ္စတာယန်ကျဲ့ချီ)Mr. Deng Xijun (မစ္စတာတိန့်ရှီကျွန်း)
