တရုတ်တွင် လူကုန်ကူးခံရသည့် မြန်မာများကို ကယ်ထုတ်ရန် ခက်ခဲနေ

တရုတ်နိုင်ငံသို့ လူကုန်ကူးခံနေရသူများကို ပြန်လည်ကယ်ထုတ်ရန် တရုတ်နိုင်ငံ ရဲတပ်ဖွဲ့နှင့် ချိတ်ဆက် ဆောင်ရွက်ရာတွင် အခက်အခဲများ ဖြစ်နေကြောင်း တရုတ်-မြန်မာ နယ်စပ်ဂိတ်များရှိ လူကုန်ကူးမှု တိုက်ဖျက်ရေး (လူကုန်တား) ရဲတပ်ဖွဲ့ဝင်တချို့ထံမှ သိရသည်။ မြန်မာနိုင်ငံ လူကုန်တားရဲတပ်ဖွဲ့မှ မိမိတို့ထံသို့ ဆက်သွားလာသည့် လူကုန်ကူးခံရသူများ၏ အချက်အလက်များ၊ မြန်မာနိုင်ငံရှိ လူကုန်ကူးခံရသူများ၏ မိသားစုဝင်များထံမှ ရရှိသည့် အချက်အလက်များကို တရုတ်ရဲတပ်ဖွဲ့ထံသို့ ပေးပို့ထားသော်လည်း အရေးယူ ဆောင်ရွက်ခြင်း မရှိသဖြင့် ခက်ခဲနေခြင်း ဖြစ်ကြောင်း သိရသည်။