၁၉၅၀ ပြည့်နှစ်၊ အောက်တိုဘာလ ၁ ရက်နေ့တွင် တရုတ်အမျိုးသားနေ့အခမ်းအနားကို ရန်ကုန်မြို့ရှိ တရုတ်နိုင်ငံသံရုံးတွင် ကျင်းပသည်။ တရုတ်သံရုံးသည် တရုတ်အမျိုးသားနေ့ ကျင်းပရာတွင် မြန်မာအစိုးရအရာရှိများနှင့် ပင်လယ်ရပ်ခြားတရုတ်လူမျိုး အနည်းငယ်ကို ဧည့်ခံပွဲကိုဖိတ်ကြားခဲ့သည်။ တရုတ်သံတမန်၏ရည်ရွယ်ချက်မှာ အစိုးရအသစ်အကြောင်းဝါဒဖြန့်ရန် ရည်ရွယ်ခြင်းဖြစ်သည်။ သို့ရာတွင် တရုတ်သံရုံးက ပွဲအပြီးတွင် အစီရင်ခံစာတစ်စောင်ကို ဘေဂျင်းသို့ တင်သွင်းခဲ့သည်။ဧည့်ခံပွဲ၌ တရုတ်သံအမတ်ကြီး ယောင်ကျုံမင်း၏မိန့်ခွန်းနှင့် ပင်လယ်ရပ်ခြားတရုတ်များကို ပြောကြားသည့် စကားတို့တွင် အမေရိကန်အရင်းရှင်များကို ဆန့်ကျင်မှုများပါဝင်ခဲ့သည်။တရုတ်အမျိုးသားနေ့ကျင်းပရာတွင် မြန်မာအစိုးရအနေနှင့် ဝတ်ကျေတန်းကျေသာ ပါဝင်သည်၊ ထိုအခမ်းအနားကျင်းပရာတွင် နှောင့်နှေးရန် အဟန့်အတားများပြုလုပ်သည်၊ ဖိတ်ကြားရမည့်စာရင်းကိုပေးရန်လည်း မြန်မာများဘက်မှ စိတ်မပါကြ၊ အခမ်းအနားပြုလုပ်မည့် နေရာတွင် အတားအဆီးတခုချထားသည်၊ အခမ်းအနားတတ်ရောက်သူမြန်မာများသည် တရုတ်နိုင်ငံ၏နောက်ဆုံး ဖြစ်ပေါ်တိုးတတ်မှုများကို သူလျှိုလုပ်သည်၊ မြန်မာအစိုးရသည် တရုတ်အစိုးရကိုဆန့်ကျင်သော အစိုးရဖြစ်သည်၊ တရုတ်နိုင်ငံအပေါ်တွင် သံသယကြီးစွာထားသော အစိုးရဖြစ်သည်ဟု ထိုအစီရင်ခံစာ၌ ဖော်ပြထားသည်။ဧည့်ခံပွဲအပြီးရက်ပိုင်းအတွင်း မြန်မာနိုင်ငံခြားရေးဝန်ကြီးက တရုတ်သံအမတ်ကြီးကိုခေါ်ယူတွေ့ဆုံပြီး ပင်လယ်ရပ်ခြားတရုတ်များကိုပြောဆိုခဲ့သော အမေရိကန်အရှင်းရှင်ဆန့်ကျင့်ရေး စကားလုံးများနှင့်ပတ်သတ်၍ ဝေဖန်ခဲ့သည်။ ထိုအချိန်တွင် မြန်မာခေါင်းဆောင်များသည် တရုတ်အပေါ်သံသယကြီးစွာထားနေပြီး အမေရိကန်နှင့်အကြားရှိ ဆက်ဆံရေးအား ချိန်ညှိမှုများပြုလုပ် နေသည့်အချိန်လည်းဖြစ်သည်။ကိုးကား –Burma-China Chronology by Burma LibraryReassessing China-Myanmar Relations during the Cold War by Hongwei Fan and Charles Kraus အမေရိကန်နှင့် တရုတ်လွန်ဆွဲမှုကြားက မြန်မာသတင်းစာပါအကြောင်းအရာ
