သတင်းစာပါအကြောင်းအရာ

၁၉၅၀ ပြည့်နှစ်က ချုပ်ဆိုခဲ့သည့် မြန်မာ-အမေရိကန်စာချုပ်ကို မြန်မာလက်ဝဲသမားများက အပြင်းအထန်မကျေနပ်ကြပေ။ ကမ္ဘာ့ငြိမ်းချမ်းရေးကွန်ယက်(မြန်မာနိုင်ငံ)၏ ဥက္ကဋ္ဌဖြစ်သူ သခင်လွင်က  ၁၉၅၁ ခုနှစ်၊ အောက်တိုဘာ ၁၈ ရက်နေ့ထုတ် ယူနန်သတင်းစာတွင် အမေရိကန်နယ်ချဲ့ဝါဒသည် စီးပွားရေးအကူအညီအမည်ခံပြီး မြန်မာနိုင်ငံတဝန်းရှိ လေယာဉ်ကွင်းများကို အဆင့်မြှင့်ခြင်း၊ တည်ဆောက်ခြင်း ပြုလုပ်နေသည့် အမေရိကန်ပြည်ထောင်စုသည် နယ်ချဲ့ဆန့်ကျင်ရေးတွင် ရှေ့ဆောင်လမ်းပြဖြစ်သည့် တရုတ်နိုင်ငံအား ဖျက်လိုဖျက်ဆီးလုပ်ရန် မြန်မာနိုင်ငံကို အသုံးချနေသည်ဟု ရေးသားခဲ့သည်။

နိုဝင်ဘာလတွင် ဘေဂျင်းရှိ မြန်မာသံရုံးမှ ပထမအတွင်းဝန် ဦးမြထွန်းက လေယာဉ်ကွင်းများအဆင့်မြှင့်ခြင်း တည်ဆောက်ခြင်းကို အမေရိကန်လုပ်ဆောင်ပေးနေသည်မှာ မဟုတ်မှန်ကြောင်းပြောဆိုခဲ့သည်။

ထိုကိစ္စနှင့်ပတ်သတ်၍လည်း မြန်မာနိုင်ငံက ယခုလို ထုတ်ပြန်ခဲ့သည်။  တရုတ်ပြည်သူသမ္မတနိုင်ငံကိုသော်လည်းကောင်း၊ အခြားနိုင်ငံတခုကိုသော်လည်းကောင်း အဖျက်အမှောက်များ ဆောင်ရွက်ရန် မြန်မာ့ပိုင်နက်ထဲတွင်မည်သည့်နိုင်ငံကိုမှ ခွင့်မပြု၊ မြန်မာအစိုးရသည် ကြားနေရေးဝါဒနှင့် အိမ်နီးချင်းကောင်းစိတ်ဓာတ် ကိုလိုက်နာကျင့်သုံးနေသည်ဟု ဆိုသည်။ ဆောင်းပါးအတွက် အမှားပြင်ဆင်ချက်ကို ယူနန်နေ့စဉ်သတင်းစာတွေထည့်ပေးရန်ကိုလည်း တရုတ်နိုင်ငံခြား ရေးဝန်ကြီးဌာနကို မေတ္တာရပ်ခံခဲ့သည်။

ကိုးကား –

Modern China-Myanmar Relations by David I. Steinberg and Hongwei Fan